AZƏRBAYCAN RESPUBLİKASI ƏDLİYYƏ NAZİRLİYİNİN

Kafedra Akademiyanın tədris və elmi struktur bölməsi olub, bir və ya bir neçə yaxın fənlər üzrə tədris, metodiki, elmi-tədqiqat, elmi-pedaqoji və elmi işçilərin hazırlanması, yenidən hazırlanması, ixtisaslarının artırılması, təhsil alanlar arasında tərbiyə işini həyata keçirir. Kafedra mövcud qaydada rektorun təqdimatına əsasən nazirin əmri ilə yaradılır və ləğv edilir.

Kafedra öz fəaliyyətində Azərbaycan Respublikasının Konstitusiyasını, Azərbaycan Respublikasının tərəfdar çıxdığı beynəlxalq müqavilələri, Azərbaycan Respublikasının qanunlarını, Akademiyanın Nizamnaməsini, Azərbaycan Respublikası Prezidentinin və Azərbaycan Respublikasının Nazirlər Kabinetinin aktlarını, həmçinin Azərbaycan Respublikası Ədliyyə Nazirliyinin normativ hüquqi aktlarını, Nazirliyin kollegiyasının qərarlarını, nazirlik üzrə əmr və sərəncamları, hakim vəzifəsinə namizədlərin və hakimlərin tədrisinə dair Məhkəmə-Hüquq Şurasının qərarlarını, hakim vəzifəsinə namizədlərin tədrisi ilə bağlı Hakimlərin Seçki Komitəsinin, hakimlərin tədrisinə dair Məhkəmə-Hüquq Şurasının qərarlarını, Ədliyyə Akademiyasının Elmi Şurasının qərarlarını, Akademiyanın rektorunun əmr, sərəncam və yazılı göstərişlərini, kafedranın iclasının qərarlarını, habelə Ədliyyə Akademiyasının fakültəsi haqqında Nümunəvi Əsasnaməni rəhbər tutur.

Kafedranın əsas fəaliyyət istiqamətləri aşağıdakılardır:

 ·     tədris və elmi proseslərin vəhdətini təmin etmək;

 ·     tədris və elmi-tədqiqat proseslərinin yüksək səmərəsini təmin etmək;

 ·     hüquq elminin prioritet istiqamətləri üzrə fundamental və tətbiqi araşdırmaların aparılmasını təmin etmək;

 ·     hüquq elminin prioritet istiqamətləri üzrə konseptual problemlərin tədqiq edilməsini təşkil etmək;

 ·     hüquq elmləri sahəsində dissertantların və doktorantların hazırlanmasını təşkil etmək;

 ·     dəyişən heyətə tədris və elmi-konsultativ köməklik göstərmək;

 ·     analitik informasiya fəaliyyətini həyata keçirmək;

 ·     hüquqi maarifləndirmə işinin aparılmasında iştirak etmək;

 ·     cəmiyyətin mədəni, mənəvi və elmi dəyərlərinin qorunması və artırılmasında iştirak etmək.

Kafedranın fəaliyyət istiqamətlərinə uyğun olaraq aşağıdakı vəzifələri yerinə yetirir:

 ·     bütün növ tədris, metodiki və elmi işləri yerinə yetirir;

 ·     Ədliyyə Nazirliyinin, Azərbaycan Respublikası Prokurorluğunun, Məhkəmə-Hüquq Şurasının,  Hakimlərin Seçki Komitəsinin, Vəkillər Kollegiyasının, dövlət

     və bələdiyyə orqanlarının, habelə cəmiyyətin tələbatlarına və Ədliyyə Akademiyasının vəzifələrinə müvafiq olaraq dövlət təhsil standartları

     əsasında təhsil və ixtisas proqramlarını tərtib etmək və təsdiq olunması üçün Akademiyanın Elmi Şurasına təqdim etmək;

 ·     dinləyicilərin məqsədli hazırlanması üzrə fərdi proqramlar hazırlamaq və Elmi Şuranın təsdiqinə vermək;

 ·     dəyişən heyətin elmi işlər, məruzələr nəşr etdirmək, elmi-tədqiqat işində iştirak etməsi üçün tövsiyələr vermək və elmi-konsultativ köməklik göstərmək;

 ·     dəyişən heyətə elmi-konsultativ köməklik göstərmək;

 ·     tədris prosesi zamanı mühazirə, tədris təcrübəsi, kurs, referat və diplom işləri, məsləhət, situasiya və imitasiya oyunları, müəllimlərin rəhbərliyi altında

     planlaşdırılan sərbəst iş, avtomatlaşdırılmış tədris, təcrübi və stajorluq məşğələləri növündə təlim formalarından və müasir tədris metodlarından

     səmərəli istifadə edilməsini təmin etmək;

 ·     xarici və beynəlxalq təşkilatlarla birgə elmi-tədqiqat işləri aparmaq;

 ·     kafedranın elmi-pedaqoji heyətinin elmi ixtisasının artırılması, elmi kadrların əlavə təhsili üzrə proqramlar hazırlamaq və həyata keçirmək;

 ·     müraciət əsasında dövlət və qeyri-dövlət qurumları üçün analitik, məsləhət və proqnozlaşdırma fəaliyyətini həyata keçirmək;

 ·     qanunvericilik aktlarının layihələrini hazırlamaq və onların elmi ekspertizasını keçirmək;

 ·     milli və xarici ekspertlərin iştirakı ilə elmi seminarların, konfransların, simpoziumların, konqreslərin təşkili və keçirilməsində iştirak etmək;

 ·     tədris və elmi-texniki vasitələrlə təminat şöbəsi ilə birlikdə mütəxəssislərin hazırlanmasının keyfiyyətinin yüksəldilməsinə, elmi pedaqoji heyətin

     pedaqoji ustalığının artırılmasına, tədris prosesinin elmi təşkilinin təkmilləşdirilməsinə yönəldilmiş elmi-metodik iş aparmaq, müasir informasiya

     texnologiyalarının və texniki vəsaitlərin tədrisdə istifadə formalarını və metodlarını, yeni tədris texnologiyalarını işləyib hazırlamaq;

 ·     iddiaçının dissertant kimi təhkim olunması, onun dissertasiya mövzusu, fərdi iş planı və elmi rəhbəri (məsləhətçisi) haqqında Elmi Şuraya təqdimat

     vermək;

 ·     iddiaçıların dissertasiyalarını müzakirə etmək və rəy layihəsini hazırlamaq, elmi işlər üzrə aparıcı təşkilat kimi Akademiyaya daxil olmuş dissertasiyaları

     müzakirə etmək və rəy hazırlamaq;

 ·     doktorantların fərdi iş planının yerinə yetirilməsi barədə hesabatlarını dinləmək; 

 ·     doktorantların Akademiyadan digər ali təhsil müəssisəsinə, elmi təşkilata, digər ali təhsil müəssisəsindən, elmi təşkilatdan Akademiyaya, həmçinin

     əyani təhsildən qiyabiyə və əksinə keçirilməsi ilə bağlı təkliflər vermək;

 ·     doktorantlara fərdi iş planının yerinə yetirilməsində, zəruri avadanlığın, həmçinin elmi tədqiqat işinin mövzusu ilə bağlı materialların əldə edilməsində

     yardım göstərmək;

 ·     doktorantların dərslik və dərs vəsaitlərinin, tədrisin qabaqcıl forma və metodlarını təmin edən elmi-metodiki materialların işlənib hazırlanmasında

     iştirakını təmin etmək;

 ·     doktorantların attestasiyasında iştirak etmək;

 ·     ədliyyə və məhkəmə orqanları, vəkillik üçün Ədliyyə Nazirliyi, Azərbaycan Respublikasının Məhkəmə-Hüquq Şurası və Azərbaycan Respublikası Vəkillər

 ·     Kollegiyasının Rəyasət Heyəti tərəfindən təqdim olunan plan-sifarişlər əsasında tədqiqatlar aparmaq;

 ·     seminar, yekun müsahibə, məqbul, imtahan, yazılı yoxlama işi, kollokvium, dövlət yekun attestasiyası, biliklərin avtomatlaşdırılmış yoxlanılması və test

     növündə qiymətləndirmə formalarının hazırlanmasını və tətbiqini həyata keçirmək.

Ədliyyə Akademiyasında aşağıdakı kafedralar mövcuddur:

 ·     Konstitusiya və inzibati hüquq kafedrası,

 ·     Cinayət və cəza-icra hüququ, kriminologiya kafedrası,

 ·     Cinayət prosesi, kriminalistika və məhkəmə ekspertizası kafedrası,

 ·     Məhkəmə hüququ, prokuror və vəkillik fəaliyyəti kafedrası,

 ·     Mülki hüquq və mülki proses kafedrası.